previous next

XXXIV.

[1] Religiosa cura est, quae amicorum liberis exhibetur, praesertim si familiaritas delata maioribus cumuletur meritis posteriorum. In rem praesentem spectat praefata sententia. Nam Lampadium c. m. u. non usque ad sepulturam <tantum> pensi habui, ut solet esse multorum caduca et fragilis adfectio, sed ex eo genitos et in bona paterna nitentes propagato amore complector. Hos tibi trado ab omni iniuria uindicandos. Quaeso ut uicem meam, si usus tulerit, iustus arbiter exequaris. Multum huius beneficii inpetratio in tuam laudem, in meam gratiam promouebit. Vale.


previous next