XLIII. <SYMMACHVS HADRIANO>

[1] Cum ruri agerem libertate caeli gressum reformans, cuius me usus post dolorem moratur, <...> familiarissimus meus ordiendo itineri paratus fecit mihi ad scribendum sui copiam. Ilico amicam studio meo amplexus communionem scripta non distuli, quae et inter nos agerent commercium religionis et commeanti primum apud te notitiae limen aperirent. Si probabiles huius epistulae putas causas, mihi sermonis tui gratia, illi amoris fructus eueniat. Vale.