LXXIII. SYMMACHVS LICINIO

[1] Cum ad proxima urbe digrederer, scribendis ad te litteris abstinere non debui, ut te obseruantia prisci moris absoluerem. Nam uetere instituto hic usus increbruit, ut ingressi iter praelibent primitias scriptionis. Quare familiaris officii inuitatus auspicio fraternam religionem quam mihi semper mente exhibes adsiduo sermone testare. Vale.